Irail sanoa?

http://www.euskal-herria.org/argazki/2003/aritz20031027231714.jpg

Iragarpenak ikusita ez dirudi oraingoz irailak hego haizearen bidetik joko digunik. Egunez eta eguzkitan goxo-goxo egon bagaitezke ere, gauez eta goizetik fresko-fresko ibiliko omen gara. Eskerrak! Hilabete honi deitzeko antzinako izendapenen artean abuztua bera esan nahi duen agorrila dugu. Azken urteotan zorabiatu gaituzte klima-aldaketa delako horrekin, baina euskarazko behinolako izenek maiz ezin garbiago adierazten digute orduan bestelako egoera era bazela, osterantzean zer dela-eta agorrila? Une honetan irail ateri, lehor eta beroa piratuko bagenu, bat baino gehiago hasiko litzateke esaten, jakina, hauxe dunk aldaketa klimatikoa, lehen ez geninan honelako arorik... Kontuz, euskaldun primitiboarentzat iraila hilabete agorra izaten omen zen, hots, sikua eta beroa!

Iruzkinak

Hau esan du Erramun Gerrikagoitia erabiltzaileak…
Iraila, nire ustez, nola lehen hala ere orain da aski lehorra. Nik neure gomuta personalean -60tazak urtean- hori dut gogoan ze irail hila da nahiko agorra, edo nahi bada agorra, nahiko hori kenduta.
01:11
Hau esan du Kepa Diegez erabiltzaileak…
Kaixo Erramun,
agorraren bidetik, "ihartzea". A zelako udagoiena izango dugun!!
18:02
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »