Biba "aixegünea"

“http://www.parnasse.com/vent.jpg” irudia ezin da bistaratu, akatsak dituelako.
Behin hausnartuz gero, uste dut haizegune Hiztegi Batuan sartzea oso interesgarria dela. Zuberoako hitza izanda, pozgarria izaten da bazterretako euskalkiek, bizkaierak eta zubererak, Euskara Batuari ekarpena egitea. Beraz, dauzkagun corpus handienetan agertzen ez bada ere, -Orotarikoan, bai- neure iritzia zuzendu beharrean nago. Izan ere, aspaldi honetan -gune atzizki emankor samarra bihurtu eta sarritan lagungarri gertatzen zaigu.

Iruzkinak

Hau esan du Anonimoa erabiltzaileak…
Ze pena, Kepa, "haize-begia" hain polita izanda... Gainera, lurraldetasun irizpideak primeran betetzen ditu, zeuk ipini duzunez, "haizegune" delako horrek baino hobeto:
aize-begi iz.: Bizkaiera/ Behe-Nafarrera / Lapurtera / Zuberera (Azkue). Hiztegia.

Euskal Herrian joan den astean bizi izan duguna deskribitzeko ere ederto balio du gainera. Haize-begian gaude, hala jainkoa.

Tomax.
11:20
Hau esan du Kepa Diegez erabiltzaileak…
Lehengon Pello Zabalak deitu eta esan zidan desberdintasunak bazirela hitzen artean, komentarioa ere egingo zuela, baina azkenean ez du lortu. Baina, egia da, askoz orokorragoa ei da "haize-begia", eta gainera, beste elkarketa batzuetan ere erabiltzen da: "eguzki-begia", adibidez.
14:19
Hau esan du Anonimoa erabiltzaileak…
Ez dut harrapatu oso ondo Pello Zabalak zer komentatu zuen, non, zer ez zuen lortu... Dena dela, Euskaltzaindiko hariak beste batzuek mugitzen dituzte. Ez galdu itxaropena, Kepa. Seguru nago Ibon Sarasolak zure kezkari erantzun zuzena emango diola. Uztarria.com-eko bere artikuluren batean, akaso.

Tomax.
16:08
Hau esan du Kepa Diegez erabiltzaileak…
Uf, batzuetan gauzak lasterka egitegatik txarto azaltzen dira. Kontua zera da, Pellok ez duela asmatu nola utzi komentarioa berton, EtnoMet-en. Ikasi arren, ahaztu egin zaio. Teknika-kontuak...
16:24
Argitaratu iruzkina

Blog honetako argitalpen ezagunak

Urtaroak: ikuspegi etnolinguistikoa

Irudia
  Urtaroen izendapenek beti eman izan dute zeresan handia hizkuntzalari eta bestelako ikertzaileen artean. Euskal kulturan hain kontu errotua izanda, jende askok plazaratu izan du bere iritzia era batera edo bestera. Gai honi behar bezalako egituraketa ematekotan, egileak metodologia etnolinguistikoaz baliatzea proposatzen du, hau da, lexikoaren eta kulturaren arteko ezinbesteko zubi-adarra azaleratzea. Horretarako, nozio orokorretan oinarrituriko sailkapena du ikerlan honek gidari. Kepa Diéguez Barahona. (2024). Urtaroak: ikuspegi etnolinguistikoa.  Euskera Ikerketa Aldizkaria ,  69 (2), 93–122.  https://doi.org/10.59866/eia.v69i2.287 https://euskera-ikerketa.euskaltzaindia.eus/index.php/euskera/article/view/287/328
Gehiago irakurri »

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »