EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2009/01/26

Tirigitua


Deustuko Kanala eta afrontua

Berba hori aukeratu dut asteburuan izendatzeko erasan digun haizetea, haize-erauntsia, zikloia, ziklogenesi lehergarria edo tropikoez kanpoko ekaitza. Ez da atzo goizekoa, ez, hitz hori. Haize bortitzak eta erauntsiak hizpide, Jean Etxeparek osagile idazleak Gure Herria aldizkarian 1934an hauxe zioen:

"Bada, tirigitu bat altxatu zen egun horrekin, guti ikusten den bezalakoa: tokitan arbolak errotik aurdiki zituen, teilatuak xehatu, artho-landa osoak lurrari etzan"

Irudimena lagun, domekakoa bezalakoxea, ezta?

3 Comments:

  • At 22:37, Blogger Erramun Gerrikagoitia said…

    Aukerak:

    Berba hori aukeratu dut ...[asteburuan erasan digun haizetea, haize-erauntsia, zikloia, ziklogenesi lehergarria, tropikoez kanpoko ekaitza]... izendatzeko.


    Berba hori aukeratu dut izendatzeko asteburuan erasan digun haizetea, haize-erauntsia, zikloia, ziklogenesi lehergarria, tropikoez kanpoko ekaitza.


    Berba hori aukeratu dut izendatzeko tropikoez kanpoko ekaitza, asteburuan erasan digun haizetea, haize-erauntsia, zikloia, ziklogenesi lehergarria.


    Berba hori aukeratu dut izendatzeko tropikoez kanpoko ekaitza: asteburuan erasan digun haizetea, haize-erauntsia, zikloia, ziklogenesi lehergarria.

    Nire dudea da ea izendatu nahi diren lau edo bost item.

    Lau:
    1) asteburuan erasan digun haizetea,
    2) haize-erauntsia,
    3) zikloia,
    4) ziklogenesi lehergarria.

    Bost:
    1) asteburuan erasan digun haizetea,
    2) haize-erauntsia,
    3) zikloia,
    4) ziklogenesi lehergarria,
    5) tropikoez kanpoko ekaitza.

    Esan nahi dut ze ez dakidala ea doan loturik edo ez kin "izendatzeko" hori "tropikoez kanpoko ekaitza". Metereologiaz guti dakigunontzat duda ulergarria, bai behintzat niretzat.

     
  • At 22:51, Blogger Kepa Diegez said…

    Kaixo Erramun,
    bostak sartzen dira zaku berean, berdinak dira eta.

     
  • At 23:05, Blogger Erramun Gerrikagoitia said…

    Ambiguoa gerta ez dadin izan ahal da honela, bada.

    Berba hori aukeratu dut izendatzeko tropikoez kanpoko ekaitza, asteburuan erasan digun haizetea, haize-erauntsia, zikloia, ziklogenesi lehergarria.

    edo argiago

    Berba hori aukeratu dut izendatzeko: tropikoez kanpoko ekaitza, asteburuan erasan digun haizetea, haize-erauntsia, zikloia, ziklogenesi lehergarria.

     

Argitaratu iruzkina

<< Home

 
Contador gratis contadorplus.com -----------------------------------------------------------------