EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2008/06/10

Briyeldute


Aspaldi-aspaldian ez dugu egunotakoa bezalako aro-egoerarik izan; euria jausi ahalean izan da berriz ere, ase barik jardun du. Eguratsaren egongaiztasuna nabari da. Antza denez, goietan izugarrizko aire hotzek eragiten dituzte honelako euri-jasa itsuak. Kalera irten eta aterkia erabili arren mela-mela eginda amaitzeko modukoak harrapatu ditugu, gero! Edo Bizkaiko Mendata herrian esaten duten moduan: briyeldute, "euri-zaparradak harrapatu ondoren busti-busti egitea".
"Ori mutiltxue potxingora jeusitte dana briyeldute dau".
 
Contador gratis contadorplus.com -----------------------------------------------------------------