EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2013/01/18

Eurite galanta!


Urtarrileko azken egunotan euriari eutsi ezinik gabiltza. Une batzuetan bota ahalean jardun du, errukirik gabe, hodeiak lehertu beharrean. Ezin uka daiteke, horrela jarraituz gero, aspaldiko urtarrilik umelen bihurtuko zaigula zenbait bazterretan. Zorotzat hartuko nauzuelakoa, badakit, baina ni pozez zoratzen nabil, plista-plasta potxingoetan eta besoak jasota ortziari beha.... aurrekoetan hego haize madarikatuak jasan izan dizkigunak ez dira makalak izan, e? Nire bozkarioaren adierazle, hona hemen zenbait esamolde euria sendo eta irmo egiten duenerako:

Goiak eta beheak hautsi beharrean

Goian beian

Hori euriz ari

Ibaika

Idolaz

Jasa itsua ari

Jausi ahalean

Jautsi ahala

Jazarrika

Jeutsahala
Lainoak lehertu beharrean



Etiketak: , , ,

 
Contador gratis contadorplus.com -----------------------------------------------------------------