Gizakiak behar ehün urte bizi apirila eder baten ikusteko

http://www.bbc.co.uk/england/looknorthnecumbria/weather/calendar_competition/april/images/april_showers_john_doyle_470.jpg
Arratsaldeko 18:50 eta blogean ezarrita dauzkadan estazio meteorologikoek honako tenperatura hauek ematen dituzte:

Deustu: 25,2 ºC
Gasteiz: 26, 2ºC
Zarautz: 17, 3ºC

Nork esango ote zuen "gizakiak behar zituela ehun urte bizi apirila eder baten ikusteko"? Horren arabera, lasai asko bizi gintezke aurtengo apirila ezin ederragoa delako, euria eskas, hozbero a tamainakoa eta giroa bikaina. Zer dela-eta Deustu eta Zarautzen arteko 8 graduren aldea? Ez nauzue begiratzen Meteosat-en, baina ziur asko honezkero lanbroa sartuko zuen Zarautz aldean eta hori dela-eta, tenperaturak ez du gora egin edo nabarmen behera egin du. Nik, egia esan, hainbesterainokorik ez dut nahi izatean. Aitortu behar dut eguzki gose apur bat banuela, baina gaurkoak gaina hartu dit, ia goia, gorenera heltzeraino. "Apirila bero, negua gero" dio beste arotitz batek. Kontuz, eguzkiaren ondotik datorke des-eguzkia, malenkoniatsuen ilargia, alegia.
Eguzkizaleak, biba zuek!!

Iruzkinak

Hau esan du Anonimoa erabiltzaileak…
Ba ez, atzo Zarautzen ez zen lanbrorik sartu, nahiko oskarbi zegoen.
15:16
Hau esan du Kepa Diegez erabiltzaileak…
Beraz, zer dela-eta hainbesteko aldea?
8-9ºC ez da makala, ezta?
15:57
Hau esan du bego erabiltzaileak…
Egia esan, nik aurtengo bezalako apiril gutxi dauzkat gogoan, eta urte batzuk badauzkat.
Edozelan ere, apirilean jaioak garenok, zer? Aukera bikoitza dugu izugarrizko apirila ikuste aldera?
Bego.
21:34
Hau esan du Kepa Diegez erabiltzaileak…
Bego, atzi kiskali beharrean egin ninduzun, aro ona bai, baina bero larririk ez!! Gora bero freskoa!!!
13:07
Argitaratu iruzkina

Blog honetako argitalpen ezagunak

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo
Gehiago irakurri »

Tximu eginda

Irudia
Atzo arrastirian etxetik irten, aterkirik eraman ez eta mela-mela eginda amaitu nuen. Gaurko BERRIA egunkarian Anjel Lertxundik esamolde zoragarri baten berri ematen digu. Betorkizue! Hitz beste Anjel Lertxundi Tximu eginda Goizeroko ibilalditik etxerantz zetorrela, euriak hasi zuen. Etenik gabe eta oparo. Pausoa bizkortu zuen. Hala ere, tximu eginda iritsi zen etxera. Tximu eginda? Nondik ote dator espresioa? Zer arraio tximu esan nahi du? Espresio bitxitik kokatuta egin zuen dutxatu, gosaldu eta lanerako prestatu artekoa, ez baitzuen loturarik ikusten tximino baten eta blai-blai eginda egotearen artean. Sarean kontsultatu zituen hiztegiek-eta ez zioten ezer argitu, harik eta ohartu zen arte tximu hitzak esan nahi zuela troxa edo haurren pixa-oihala ere. Eta pixak ez al du ba oihala zopa-zopa eginda uzten, goizeko euri zaparradak bera utzi zuen bezala? Ez zekien bere burutazioa zuzena zen, eta axola ere, gutxi. Troxa jartzen zioten garaiko sanotasun beraz irten zen kalera. Euriak
Gehiago irakurri »