Mariposie babil urrien, geuze txarran bat dator...

...badakizue, jakinaren gainean zaudete. Urrian garelarik, inguruan baldin badakusazue tximeleta, inguma, pinpilinpauxa, marisorgin edo mariposarik, erne, argi eta kontuz ibili, ze ezin zehaztuzko gauza txarren bat datorkiguke. Zer-nolakoa? Ezin jakin. Ez dakitsuet esaten aroari bereziki loturik dagoenetz ala beste konturen bati. Hala eta guztiz ere, gauza batez ziur baino ziurrago gaude: ez da / zen batere ohikoa urrian tximeletak ikustea. Agian, aurrerantzean erabat eguneroko bihurtuko zaigu eta orduan, bai, ardura hartzen hasiko behar dugu. Bai horixe!