EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2009/10/26

Aro jalgia

http://www.euskararenetxea.net/mediategia/idb/Mendata.jpg

Osterantzekoetan sartu barik -hego haizea eta enparauak- gaurko eguraldia eguzkitsu baino eguzkitsuagoa dugu, behin eguzkiak goiz eta eguerdiko lainoak eta lanbroak jan eta xurgatu dituelarik. Hala ere, zenbait bazterretan, badirudi egunak ilun eta lanbroturik dirauela, bestela aldera itzazue ordu honetan -17:25- Deustu (20,7ºC), Gasteiz (22, 4ºC) eta Zarautz (13,7ºC) aldeko tenperaturak. Azken herri honetan, besterik jakin gabe, eguzkia ezin izan da andre eta jabe izan, ezta, zarauztarrok? Berba eta esapide ezezagun eta xarmanten bilaketa etengabe honetan, Mendata inguruko bat dakarkizuet orri hauetara: eguraldi jalgia. Hauxe duzue aipua:

"Geur benetako egualdi jalgiye deku atzokoan ikusiyen" (Idoia Mallea, Mendatako Hiztegia)
(Gaur benetako eguraldi jalgia daukagu atzokoaren ikusian)
 
Contador gratis contadorplus.com -----------------------------------------------------------------