EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2009/02/26

Poloetako izotza espero baino arinago...

http://mix.fresqui.com/files/images/Ant%C3%A1rtida.jpg

... urtzen ari dela ohartarazi dute

Azken 50 urteetako nazioarteko ikerketa handienak klima aldaketagatiko kezka jasotzen du

Naiara Arregi. BERRIA 09/02/26

Klima aldaketaren ondorioak uste baino larriagoak dira Ipar Poloko eta Hego Poloko eskualdeetan. Berotegi efektuaren ondorioz, itsasoko tenperaturak nabarmen ari dira igotzen eta haietako izotzak uste baino azkarrago ari dira urtzen. Hori da azken 50 urteetako nazioarteko ikerketa handienak ondorioztatu duena. Guztira 60 herrialdetako 10.000 zientzialarik parte hartu dute API Nazioarteko Urte Polarra deituriko ikerketan. Antartika eta Artikoko eremuak aztertzen aritu dira bi urtean eta batez ere, klima aldaketak eremu haietan eragiten dituen ondorioak ikertu dituzte. Hori ikusirik, kezka agertu dute ikertzaileek. Izan ere, izotza urtzeak itsasoaren maila igotzea ekarriko du ,eta, horrekin batera, hainbat irla eta hiri ur azpian geldituko dira, besteak beste.

Sakatu hemen irakurtzen jarraitzeko

BA OTE DAGO KLIMA ALDAKETARIK ALA EZ? ZER USTE DUZU?
 
Contador gratis contadorplus.com -----------------------------------------------------------------