EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko gunea.

2009/01/15

Zehar eta beheko haizeak, gailen

http://weather.unisys.com/gfsx/9panel/gfsx_850_9panel_eur.gif

Horra hor UNISYSek, Europari dagokionez, hurrengo egunetarako egindako aurreikuspenak. Lehenengo begiratuan, haize zakar eta bortitz samarrak sumatzen dira gurean, euria erruz ekarriko bide dutenak. Kontu handiz, gehienbat, domekatik aurrera ibili beharko dugu 100 km/h-tik gorako haizeteak majo astinduko gaitu eta. Gaur bezala gertatzen bada, beheko haizea harro, euriaren zantzurik ere ez dugu susmatuko, baina antizikloiak iparrerantz harrotuxe denean, zehar-haizearekin batera, ezin konta ahal frontexka igorriko dizkigu eta beraz, joandako udagoienaren tankera hartuko du aroak, goibela, umela eta haizetsua oso. Ikusi beharko dugu datozen egunetan mapa horiek bere hartan jarraitzen dutenentz. Ni, zer gerta ere, guardasol guztiak konpontzen hasita nago.
 
Contador gratis contadorplus.com -----------------------------------------------------------------