Urriko haizea, lehengo lepotik burua

http://personal.telefonica.terra.es/web/ignaciophotoshop/cabeza.jpg
Hemendik hartua

Ez, ez ezin izan diot gure "adiskidetxo"-ari buruzko idatz nahi ezari eutsi, ez horixe! Andre eta jabe dugu egunotan, batzuen pozgarri eta beste batzuen, ni barne, negargarri. Hego haizearen erasana ez da pasa diren urteetako bezain bortitza, baina nire negar eta malkoak xukatzerainokoa, bai, behintzat. Bere hartan jarraitzen du, estatistikak bete nahian -akordatu zaitezte urrian jotzen duela hego putz honek gehien- irmo eta sendo, fal-fal-fal, Aezkoan esaten duten moduan. Gure baserritarrek oraindik daukate gogoan gordeta: Ori oiñ, ille onetan, bates be, da beorren sasoye, urri aixie; Urriko aixiek entzute itzela deko (Iñaki Gaminde, Arrieta Berbarik Berba)
Bien bitartean beste zenbait bazterretan burua urez lepo...

Iruzkinak

Hau esan du bego erabiltzaileak…
kaixo Kepa:
zerk eragiten dizu hainbeste malko, hego haizeak edo udazjeneko malenkonia?
Bego
15:02
Hau esan du Kepa Diegez erabiltzaileak…
Aupa Bego!
Ba, argi dago. Hego haize malapartatu honek, alajaina!
15:23
Hau esan du Anonimoa erabiltzaileak…
Atzo arratsaldean eta gaur goxean zeruak gris kolorekoa eukan eta hortik goitik ur partikula batzuk jausten ziran. Uste dot "euria" izeneko zeozer zirala.

Gaur arrastian, barriz, "normaltasunera" itzuliko gara, antza danez, baina ur ttantta horiek barriz be agertzean kontaukotsuet...
18:13
Hau esan du Kepa Diegez erabiltzaileak…
Kontuz, Patxi,
datorren astekoa bortitzagoa izango ei da eta!
20:02
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Urtaroak: ikuspegi etnolinguistikoa

Irudia
  Urtaroen izendapenek beti eman izan dute zeresan handia hizkuntzalari eta bestelako ikertzaileen artean. Euskal kulturan hain kontu errotua izanda, jende askok plazaratu izan du bere iritzia era batera edo bestera. Gai honi behar bezalako egituraketa ematekotan, egileak metodologia etnolinguistikoaz baliatzea proposatzen du, hau da, lexikoaren eta kulturaren arteko ezinbesteko zubi-adarra azaleratzea. Horretarako, nozio orokorretan oinarrituriko sailkapena du ikerlan honek gidari. Kepa Diéguez Barahona. (2024). Urtaroak: ikuspegi etnolinguistikoa.  Euskera Ikerketa Aldizkaria ,  69 (2), 93–122.  https://doi.org/10.59866/eia.v69i2.287 https://euskera-ikerketa.euskaltzaindia.eus/index.php/euskera/article/view/287/328
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »