Garratz eta gogotik aritu du elurra Georgia aldean!



Ikusi, ikusi irudiok nola egin duen elurra asteon Kaukaso aldeko Georgia errepublikan! Izu-ikaragarria izan da, lagunok! Txapelaren buztana tentetzeko modukoa, alafede! Bazter asko eta askotan bi metro elur; hodeiek egotzi-ahala elur jausi zaie georgiarrei eta gu hemen irrikan... Hala ere, asto beltzarenak pasatu omen dituzte: herriak bakartuta, "elurkengailu"-ak elurra erauzi ezinik, mukiak gogortzeko adinako hotza... Ikusi bideoan norainoko elur-hormatzarrak diren. Lazgarriak, gero! Ni erdiaren erdiarekin konformatuko nintzateke gogo eta gorputzaren asebetegarri.

Iruzkinak

Hau esan du Anonimoa erabiltzaileak…
"Elurkengailu"rako beste baliokiderik?


Kristina.
21:50
Hau esan du Kepa Diegez erabiltzaileak…
Kontua da ea hitz bakar batean eman daitekeen ala ez. Hiztegiak hauxe dakar:
Elurra kentzeko makina

Ez zait asko gustatzen, baina.
13:38
Hau esan du Anonimoa erabiltzaileak…
Bai, "-gailu"dunak zailak dira, ezta?
Nola eman "deshimidificador"?
"Hezetasun-kengailu" edo "hezetasuna kentzeko makina"?
M, aztertuko dut.

Kristina.
21:38
Hau esan du Anonimoa erabiltzaileak…
"deshumidificador", jakina!


Kristina.
21:39
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Urtaroak: ikuspegi etnolinguistikoa

Irudia
  Urtaroen izendapenek beti eman izan dute zeresan handia hizkuntzalari eta bestelako ikertzaileen artean. Euskal kulturan hain kontu errotua izanda, jende askok plazaratu izan du bere iritzia era batera edo bestera. Gai honi behar bezalako egituraketa ematekotan, egileak metodologia etnolinguistikoaz baliatzea proposatzen du, hau da, lexikoaren eta kulturaren arteko ezinbesteko zubi-adarra azaleratzea. Horretarako, nozio orokorretan oinarrituriko sailkapena du ikerlan honek gidari. Kepa Diéguez Barahona. (2024). Urtaroak: ikuspegi etnolinguistikoa.  Euskera Ikerketa Aldizkaria ,  69 (2), 93–122.  https://doi.org/10.59866/eia.v69i2.287 https://euskera-ikerketa.euskaltzaindia.eus/index.php/euskera/article/view/287/328
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »