EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko gunea.

2007/05/07

Ur-arangela

“http://www.eitb24.com/archivos/imagenes/eitb24/sociedad/2007/05/04/Aspecto-que-presentaba-Arraioz-tras-el-desbordamie-2007050420512314hg2.jpg” irudia ezin da bistaratu, akatsak dituelako.
Lazgarria izan da pasa den ostiralean Baztan eta Lapurdi aldean gertaturikoa euri-erauntsiaren ondorioz. Hori txikizioa egin duena euri-jasak! Nahiz Nafarroako iparraldean ekaitz latz samarrak izango ote ziren susmoa zegoen egon, ez zen inondik inora pentsatzen horrenbesteraino ailegatuko zenik. Mariano Izetak bere Baztango Hiztegian dakarrenez, anbateko uri-erauntsie in daku, uri-erauntsi bortitze. Eta berari ederto egokitzen zaion beste esapide bat ere: ekaiztiek kalte aundiek in tu. Au basaka. Haren arabera, basaka "euria ari duen eta haize bortitza dabilen unea: ekaitza". Horren guztiaren ondorioz errekasto eta ibaien ur-igotzeak, urarangelak, baztandar guziak izitu tu. Auzolanean lehengoratuko ahal dute oro!

6 Comments:

  • At 19:58, Blogger Erramun Gerrikagoitia said…

    Ote da hitz hori urarangela edo aitzik ote da ur arangela, nola ere da ur uholdea? Beharbada arangela hitzak ba duke esannahi proprio bat, nik ez dakit ze ez dut ezagutzen ez bata -arangela- eta ezta urarangela ere.

    Berez, visualki irakurtzerakoan hobeki konprenitu ahal izateko, hobe dateke beriztea hitzak ze bestela ez zaioke hartzen usainik ere batzutan. Nik nahiago ur arangela nola esan bait dut, baina da soil neure sentimendua, zerbait hala ere razonatua.

     
  • At 20:04, Blogger Kepa Diegez said…

    Jatorrizkoa jartzearen aldekoa izaten naiz eta Mariano Izetak "urarangel" dakarrenez... Bestalde badirudi "ur+arangel" dela. Baina, beraren hiztegian "arangel" berbari buruz ez dago azalpenik.

     
  • At 13:27, Blogger Kepa Diegez said…

    Orotarikoan, berdin, "arangel" edo "ur-arangel", beste barik.

     
  • At 23:01, Blogger Erramun Gerrikagoitia said…

    Esana dudan lez uste dut hobe da ikustea, visualki, ur korrontea ezi urkorrontea zeren lehenengoan "ikusten" da hobeto signifikantzea. Era berean ur arangela ikustean jabetzen gara hobeto ezi noiz ikusten dugu urarangela. Nik irakurri nuenean zure titulua, Kepa, zein da soil urarangela ikusi barik deus besterik, visualki, ez nuen piperrik ulertu. Zero.

    Honekin markatu nahi dut importantzia izugarria hon orthographia eta horren exponente visuala zeren irakurtzen bait dugu begiekin.

     
  • At 19:15, Anonymous Anonimoa said…

    Segundu bat:
    uholdeak ere Senpere ukitu du, Henri Duhauk diostan bezala, baita beren etxea ere.

    (Espero dezagun asurantza etxeak ondo portatzea herriarekin!)

    Ondo segi,

    K.

     
  • At 14:12, Blogger Kepa Diegez said…

    Uf, bai. Senperekoa ere jakin dut. Zuk esan bezala, espero dezagun, ahal denik eta lasterren konpontzea.

     

Argitaratu iruzkina

<< Home

 
Contador gratis contadorplus.com -----------------------------------------------------------------