Marmoka

Ez, ez dago oker izenburua, baten batek kontrakoa pentsatzen badu ere. Zer arraiok egiten du txitean-pitean gure hondartzetara hurbiltzen den itsasoko animaliatxo honek? (Hidrozoo eta eszifozooen forma igerilari askea, normalean itsastarra eta ugalketa sexuala burutzen duena. Bere gorputza katilu-formakoa eta ia gardena da, ahoa azpialdean dago eta zelula erresumingarriz hornitutako garro hedagarriak dauzka ertzetan) Bada, ez, ez da hori, irakurle maitea. Oraingoan gure arotiztegian bila eta bila aritu ondoren, berba interesgarri eta liluragarririk non agertuko, Azkueren Hiztegian marmoka berbaren berri eman nahi dizuet. Zer ote da? Bada, Azkueren arabera, tiempo anormal, hau da, "ezohiko eguraldia", edo, azkenaldi honetan bizi gaituena, alegia.