EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2007/03/15

Andrearen irudia euskal arotiztegian

“http://lettres.ac-rouen.fr/francais/romantik/themes/femme.jpg” irudia ezin da bistaratu, akatsak dituelako.
Goya. "Emakume gaiztoa"

Ez da bost xentimoko gaia, ez. Izan ere, emakumezkoa aroaren gaineko atsotitzetan azaltzen den bakoitzean, ez da inondik inora sumatzen ustezko "matriarkalismo" hori. Beraren irudia negatibo samarra izaten da, behialako gizarte matxistaren isla nabaria (ala oraingoa ere bai?). Euskal andreak aratza eta maratza izan behar du eta gainera, otzana, gizonezkoaren menpeko. Hori guztiori antzematen zaio atsotitz ugaritan inondik ere. Horiek gure kulturaren isla ezin gardenagoak dira eta euskal gizakiaren (jakina, gizakia, "gizona" da) pentsamoldearen berri ematen digute, argi eta garbi. Hona hemen martxoa eta andrazkoa uztartzen dituen esaera zahar horietariko bat: Obro iraiten du barridean emazte gaiztoak ezik martxokoan elurrak. Ez dago dudarik, emazte gaiztoak gehiago irauten du auzoan martxoko elurrak baino. Hortaz, martxoan elurra egiten duenero, berehala urtu egiten bide da, ez da iraunkorra; emazte gaiztoa, bai, iraunkorra bide da. Emakume gizagaixoak! Beraz, kontuz ibili! Izan ere, San Jose egunaren inguruan elurtetxoa omen datorkigukeen arren, segituan lurmenduko bide du eta emakume gaiztoak gaiztakeriak egiten jardungo bide du zuen auzoetan.

3 Comments:

  • At 13:58, Anonymous Anonimoa said…

    Emakume kontuez ari zarela, pasatu berria da martxoaren 8a. Egun hartan zain egon nintzen ea irratiren batean norbaiti akordatzen zitzaion badela disko eder bat Maite Idirinek aspaldi egina "Ahizpatasuna" izena daramana, titulu bereko kanta polit batekin. Ez nuen zorterik izan.

    Tomax.

     
  • At 16:34, Anonymous Anonimoa said…

    Tomax: zer berri?
    Ahal baduzu, pasaidazu diska hori eni, entzun nahiko nuke-eta.


    Kristina.

     
  • At 14:51, Blogger Kepa Diegez said…

    Ildo beretik hauxe duzue sarean.com-en:

    http://www.sarean.com/sarean/844

     

Argitaratu iruzkina

<< Home

 
Contador gratis contadorplus.com -----------------------------------------------------------------