EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2007/02/09

Zurrunbiloak deslai, jira-biraka

http://www.allevamento-bobtail.it/immonica/gruppo2.jpg


Horixe ekarri digu otsaileko lehenengo ilbeteak: Azore uharteetako antizikloia uxatu edo ostera ere oporretan bidalirik, Atlantiko aldeko zurrunbiloak (borraskak) han-hemenka loka dabilzkigu batetik bestera, zeharka-meharka, Ganguren-Manguren, ezelango kontrolik gabe. Ez dago kristaurik beraien norabiderik asmatzeko gauza denik, ez horixe! Zeharo aldakor dugu eguraldia. Goitik, erditik, behetik sartzen zaizkigu tai gabe, gupida barik, inolako errukirik eduki ezinik, eta ondorioak nabarmenak dira: basotxo bat sagardo edan orduko azaldu, ospa egin eta non hazka eginarekin uzten gaituzte, ahoa bete ho(r)tz. Hori dela-eta, zezeil zorabiagarriari datxekion ospe eta itzala areagotuz doakigu: orain, haizea, gero euritxoa, gerora bare, geroxeago eguzki zuria.... Tira, gogait ez eragiterainoko moduko aro lilura-xarmangarria! Atsotitzek ez digute inolaz ere arpa jotzen: Zezeilak txakur aurpegia eta zikin atzea.



3 Comments:

  • At 11:54, Anonymous Anonimoa said…

    Jo, Kepa! Nondik ateratzen dituzu argazki xelebre hauek?


    Kristina.

     
  • At 12:01, Anonymous Anonimoa said…

    Ezkerrekoa emea izanen da, beharbada, arroxa kolorezko sokaz kopetan lotu dioten adats horrengatik. Baina jabeak honetan aski kapritxosoak dira, nork daki!Dena den, nahiko argazke xelebrea, bigarren otsailari ederki ematen diona! (barrea)


    Kristina.

     
  • At 13:50, Blogger Kepa Diegez said…

    Kaixo, berriz, Kristina:
    argazkiak? Ba, kasu honetan, interneten arakatze lan sakona eginda. Xelebreena hartu eta lapurtu(ahapeka)

     

Argitaratu iruzkina

<< Home

 
Contador gratis contadorplus.com -----------------------------------------------------------------