EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2006/09/19

"Gordon" hurakan ohia ate joka

“http://www.nhc.noaa.gov/storm_graphics/AT07/refresh/AL0706W_sm2+gif/074512W_sm.gif” irudia ezin da bistaratu, akatsak dituelako.


Aurtengo hurakanaldia iazkoa bezain bortitza ez izanik, atzenduxe genuen Atlantikoz bestalde su eta gar jardun ohi dutela. A ze-nolako txikizioak egiten dituzten sarritan! Zenbaitetan ekaitz bihurtu eta Europa aldera egiten dute bidaia, baina hurbildu ahala indargetuz joaten dira. Oraingoan beraren ibilbidea hego-mendebaldetik iparrera izango bide da, beraz, badirudi errukirik gabe bertatiko haize bolada bero samarrak bidaliko dizkigula. Galizia aldean zerbait hartzera gonbidatu beharko dute, ze, hantxe ipiniko bide du kanpain-denda. Espero dezagun ezer ez larririk ez gertatzea. Ai ene! Berriz ere 30ºC? Beharbada, bai, ze, itxura denez, ostegunean hego-hegotik ailegatuko zaigu haizea eta horrelakoetan ondo asko dakigu zer jazotzen zaigun itsaertzean! Ah! gauzatxo bat: Bizkaian ere badaukagu gure "Gordon" partikularra, Turtzioz herriko auzoa da eta bertara iristeko egundoko aldatsa dago.


 
Contador gratis contadorplus.com -----------------------------------------------------------------