San Martiiin, elurra gertu diiin!

“http://www.refugiodelinza.com/Linzaargazkiak/mendiargazkiak/txamantxoia.JPG” irudia ezin da bistaratu, akatsak dituelako.
"Txamantxoia"

EHKMEren agendan begiratu eta gaur, azaroak 10, Pello Zabalak goiko atsotitza paratu digu ikusgai, nahiz bihar den San Martin. Izan ere, garai honetan hasten omen da aroa negutzen. Telebistan ikusi dugunez, Euskal Herriko mendi gorenetan elur-melurrak bere agintaldia ezartzeari ekin dio, batez ere Pirinio aldean. Aipaturiko atsotitzak elurra gertu dagoela dio eta egia da, ze, badirudi igandean aroak beltz-beltzera egin eta elurra behe samarrean egingo duela. Behintzat, horixe iragarri digute eguraldi-ikertzaileek. Beraz, neguaren lehendabiziko erasanaldia izango bide dugu. Leku eta tokitan geratuko dira urriko hego haize aldia eta berekin ekarritako giro epela. Bai horixe! Zuek zer nahiago duzue?

Iruzkinak

Hau esan du Anonimoa erabiltzaileak…
Badut lagun bat nerbioetatik gaizki ibiltzen dena, eta hegoarekin gorriak eta bost ikusten ditu. Pentsa nola pasa duen urria gizajoak... Tiro artetik ihesi zebiltzan usoak baino aztoratuago. Inguruko ezki-lore guztiak gutxiegi zituen.

Badut beste lagun bat hezurretatik ibiltzen dena "parragarri" (Gipuzkoan esaten dugun moduan, ikaragarri gaizki alegia, ez barregarri) eta horrek igerriko dio asteburuko elurrari. Egiaz baldin badator behintzat.

Tomax.
17:53
Hau esan du Kepa Diegez erabiltzaileak…
Nolako eguraldia, batzuk pozik, beste batzuk kopetilun. Patata-tortilla ez da guztien gustukoa izaten. Nik ezagutzen ditudan hainbat ostera, pozik-pozik egon dira andraizea lagun.
22:52
Hau esan du Anonimoa erabiltzaileak…
Zarauzko ikastolan, urte asko dira, bertso hau kantatzen zuten umeek:
Azaroak hamaika / San Martin eguna / hauxe da zoritxarra / izandu duguna / nonbait guretzat zegon / guretzat fortuna / kartzelan pasatzeko / zenbait egun ona!
Eta gero:
Je! Txio-txio txoria / sortu dut nik kabia / txio-txio txoria /……………………
Azkeneko esaldia ez dut gogoan.
10:29
Hau esan du Kepa Diegez erabiltzaileak…
Eskerrik asko, Anjel. Ea lortzen duzun azkeneko esaldia!
16:06
Hau esan du Anonimoa erabiltzaileak…
Gora euskal herria! ???
16:31
Hau esan du Anonimoa erabiltzaileak…
Izan daiteke hori azken esaldia???
16:32
Hau esan du Anonimoa erabiltzaileak…
Txio txio txoria
poztu bedi kabia
txio txio txoria
galdu naiz maitia.
Txio txio txoria
poztu bedi kabia
txio txio txoria
gora euskal herria!!!
14:37
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »