Hegoiaren baitakoak. EtnoAroa TB



Esperimentu berria egingo dut oraingoan. Lehengo egunean irakurri nuen nola PatxiTrapero bere blogean hasi den musika eta irudiak txertatzen. Horrek bide eman dit blog honetan bideoak sartzeko. Pasa den urriaren 31n ETBko Elixabete Garmendia kazetariak "Postdata" saioan hego haizeari buruzko erreportaia polita egin zuenez gero, berton ikusgai jartzea erabaki dut. Hiru elkarrizketatu azaltzen dira: Kepa San Martin, Juan Alustiza eta hirurok (A zelako lotsa !)

Iruzkinak

Hau esan du Anonimoa erabiltzaileak…
Oso polita Elixabeteren erreportaitxo hau, egiten dituen guztiak bezala. Fina. Rara avis, neska hau.

Zuri, Kepa, zorionak... bideoa zure gunean hain ondo ipini duzulako. Ni bezalako tekno-trakets eta tekno-maingu askori enbidia sortuko zenigun.

Iruditu zait erreportaian azaltzen den Alustiza hori Juan dela, eta ez Julian. Julian sermoilari famatu bat zen, eta behar bada zure lanerako bere libururen bat erabili duzulako nahastu zaizu izena.

Tomax.
09:55
Hau esan du Kepa Diegez erabiltzaileak…
Bai, Elixabeteren erreportaiak zoragarriak izaten dira. Beste ikuspegi bat dauka. Bai, Juan da, arrazoi duzu. Buruan sekulako izen-dantza daukat eta ez begiratzearren, huts...
12:41
Hau esan du Erramun Gerrikagoitia erabiltzaileak…
Ikusi ahal izan dut ezen ni naizela tekhno-trakets handiagoa ezi beste batzuk ze sartu nahi izan dut ikusteko videoko reportaia eta ez dut lortu ikustea, nahiz ahalengindu naizen hortan.

Gero bestetik at Kepa esan ezen ez duela zertan sentitu lotsarik zeren aipatzen du berak bere burua, aitzitik da poztekoa eta pozik egotekoa. Segi aitzina.
13:51
Hau esan du Kepa Diegez erabiltzaileak…
Aupa, Erramun!
Beharbada kontrolatzailea falta duzu ordenagailuan ikusi ahal izateko. Zer ikusten duzu pantailan?
18:08
Argitaratu iruzkina

Blog honetako argitalpen ezagunak

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo
Gehiago irakurri »

Tximu eginda

Irudia
Atzo arrastirian etxetik irten, aterkirik eraman ez eta mela-mela eginda amaitu nuen. Gaurko BERRIA egunkarian Anjel Lertxundik esamolde zoragarri baten berri ematen digu. Betorkizue! Hitz beste Anjel Lertxundi Tximu eginda Goizeroko ibilalditik etxerantz zetorrela, euriak hasi zuen. Etenik gabe eta oparo. Pausoa bizkortu zuen. Hala ere, tximu eginda iritsi zen etxera. Tximu eginda? Nondik ote dator espresioa? Zer arraio tximu esan nahi du? Espresio bitxitik kokatuta egin zuen dutxatu, gosaldu eta lanerako prestatu artekoa, ez baitzuen loturarik ikusten tximino baten eta blai-blai eginda egotearen artean. Sarean kontsultatu zituen hiztegiek-eta ez zioten ezer argitu, harik eta ohartu zen arte tximu hitzak esan nahi zuela troxa edo haurren pixa-oihala ere. Eta pixak ez al du ba oihala zopa-zopa eginda uzten, goizeko euri zaparradak bera utzi zuen bezala? Ez zekien bere burutazioa zuzena zen, eta axola ere, gutxi. Troxa jartzen zioten garaiko sanotasun beraz irten zen kalera. Euriak
Gehiago irakurri »