EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2005/05/13

Eguraldi beltza

“http://www.virtualbay.co.nz/wallpaper/stormy-1024.jpg” irudia ezin da bistaratu, akatsak dituelako.


Hau eguraldi aldakorra, hau! Asteon aro nahasi-nahasia izan dugu, denetarik izan da eta: goizez, eguzkia eta eguraldi epela, arratsaldez trumoiak jo izan du. Zaparrada eder samarrak bota ditu eta tarteka-marteka kazkabarra ere bai. Guziarekin ere, aste ekaiztsua, inondik ere! Hori dela-eta eguraldi beltza izan dugula esan genezake, horixe erabiltzen omen delako Elgoibar aldean horrelako aroa izendatzeko. Mokoroak hauxe dio:

Egualdi beltza zetorrenean leioetara ateratzen genduzan kereixe bedeinkatu orrek, trumoe-belarra deitzen giñiola. Justo M. Mokoroa. Repertorio de locuciones del habla popular vasca.

Inork badaki zer den hau? "kereixe bedeinkatu orrek, trumoe-belarra"

 
Contador gratis contadorplus.com -----------------------------------------------------------------