San Emeterioz euria, berrogei egunez euria

“http://www.geocities.com/urunuela1/costumbres/emeterio.jpg” irudia ezin da bistaratu, akatsak dituelako.

Nik hau erantsiko nuke, "San Emeterioz euria-txingorra-elurra, berrogei egunez euria-txingorra-elurra. Hau aroa, hau! EHKMEk argitaraturiko agendan aurkitu dugu atsotitz hori, Pello Zabalak plazaratua. Jakina, martxoaren 3ari dagokio. Nor ote zen San Emeterio begiratzen ibili gara eta hauxe topatu dugu:

SAN EMETERIO ETA SAN ZELEDONIO


Leonen jaiotakoak, Marcelo martiri eta zenturioiaren semeak. Anaia hauek legio erromatarretan parte hartu zuten harik eta kristauak jazartzeari ekin zioten arte. Orduan Kalagorriko prokontsulera errendatzea erabaki zuten beren fedea aitorturik eta espetxeratu eta torturatu zituzten arren, ez zioten sekula beren erlijioari uko egin. Hori zela-eta, Arnedo ibaiaren bazterrean burua mozturik hiltzera kondenatu omen zituzten 300. urteko martxoaren 13an. Hil baino lehen, Emeteriok bere eraztuna eta Zeledoniok bere zapia aireratu omen zituzten eta denek zerurantz zihoazela ikusi zuten. Elezaharrak ere kontatzen du nola beraien buruak Santanderreraino heldu ziren harrizko ontzi batean. Beraien erlikiak hiriko fraideek zaindu zituzten, lehendabizi gobernadore erromatarraren jauregiaren alboko baseliza batean eta gero Alfontso II.-k eraikitako abadetxe batean. Egun beraien gorpuak abadetxe horren gainean eraikitako katedralean dautza. Martiri Sainduak gisa ezagutzen dira eta Santander hiriaren patroiak dira. Izan ere, Santander izena Portus Sanctii EmeteriiàSant’Emter-etik dator eta jaia martxoaren 3an ospatzen da, hain zuzen ere

Iruzkinak

Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »