Baskarro

Hotz ikaragarria, galantza, itzela Euskal Herriko bazter guztietan. Mukiak gogortzeko besteko hotza, alajaina! Hotzari eutsi ezinik dabiltza tokirik hotzenetan. Miatu eta miatu jardun dugu geure berba-zakuan gaur bezalako egun baterako hitz dotore baten bila eta hara non zer aurkitu dugun: baskarro. J. M. Iribarrenek bildu zuen hitz hori oso egun hotza adierazteko. Beraren arabera Zaraitzu haranean erabiltzen zen.