EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko gunea.

2008/06/04

Adarka egin du euria!

http://www.behrang-alavi.de/uploaded_images/1284-735090.jpg
Hogeita hamabost era topatu ditut han-hemenka euskalki guztietan larunbat-igandeetako euriaren sendotasun, garraztasun eta adartasuna adierazteko. Itzelen Bizkai aldean egin zuenez gero, blog honen asmotxo didaktikoa lagun, bertan erabili ohi diren / ziren batzuen berri emango dizuet ikasi eta zabal ditzazuen. Jakina, Euskara Batuara egokiturik daude, inork oztoporik izan ez dezan. Zein baino zein ederrago eta bustiago! Gehienak Justo M. Mokoroaren hiztegitik aterata daude:

Euria sendo da
Euria garratz da
Adarka da euria
Euri handia egin du
Euritza itzelak egin ditu
Euri eta euri dago
Euri ederrak bota ditu

 
Contador gratis contadorplus.com -----------------------------------------------------------------