EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2008/02/15

Hozberoaren aroak laketzen duenean...

http://urkiza.armiarma.com/EBOW/gif2005/16210.gif

Guztiz udaberritu zaigu otsaila, goizez hozkirria eta egunez epel samartxo, baina ezin ateriago. Urteroko lore-hautsen erasana inoiz baino goizago azaldu zaigu eta bazter oro eta sudur asko hauts horixkak inarrosirik ez ditugu ba! Horrelako aroa ez dut batere laket, ez gogoko, ez atsegin. Lantzean behin, ateralditxoek ez digute kalterik egiten baina, oraingo gura baina luzexkagoa da, bai horixe! Behinolako Euzkadi egunkaritik ateratako esaldi baten berri eman nahi dizuet: "Otz-beroaren aroak laketzen dauanean...", esan nahi baita, "tenperaturak edo giroak uzten duenean..." Bitxia da nolako hizkera erabili ohi zen Espainiako Gerra Zibilaren garaian; edozein lorratz arrotz nola edo hala ezabatu nahi izaten zuten. Zenbaitetan ekialdeko euskalkietara jotzen zuten hainbat hitz "orban gabeko"-agoak zirelakoan... Beraietariko bat "laket" zen. Hala ere, ez ziren ohartu ele eder hori latinetik zetorrela... Ea "hozberoaren aroak ez duenean laketzen". Aro txarraren edo euria egiten duen seinale izango da... alajaina!
 
Contador gratis contadorplus.com -----------------------------------------------------------------