EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2007/12/04

Sartaldeko xirritua irekirik

“http://vicvhs.rd.com.mx/wp-content/uploads/2006/09/pasillo111.JPG” irudia ezin da bistaratu, akatsak dituelako.

Bada, bai, Atlantiko aldeko depresio eta zurrunbiloak sakatu eta sakatu ibiltzearen ondorioz, badirudi zirrikitua zabalik gelditu dela eta ohiko "zurrunbilo-bidea" bere onera bueltatu dela. Hori dela-eta, umeltasuna gailendu zaigu nondik-nahi Euskal Herriko bazter gehientsuenetan, aro busti epel samarra, alegia. Nola zurrunbilo-bidea orekatu hala jotzen du haizeak, noiz mendebaldetik, noiz hego-mendebaldetik, noiz ipar-mendebaldetik. Haien menpe bizi gara, bizi ere! Badakizue nola dioen aro-atsotitzak, ezta? Iparra bebil, mendebala gero, hegoa gero-k ezinago hobeki laburbiltzen du Euskal Herriak haizeekin daukan harreman gorroto-maitezkoa. Itzelezko lanak izan dituzte Europako iparraldean udagoien guztian kokatu izan den antizikloiaren langak txikitzeko, bai horixe! Durango Azokako aroari begira, zoritxarrez, ez hotz, baina, bai umel, egunotakoaren tankera beretsukoa, alegia. Badakizue, Gibel egiok ekaitzari, bular aldi onari!

 
Contador gratis contadorplus.com -----------------------------------------------------------------