Pattal antzean jarraituko du eguraldiak

Erka ditzagun bi iragarpen hauek:


1. Pattal antzean jarraituko du eguraldiak. Haizeak iparrerantz egiten duen heinean, freskatzeko joera hartuko du. Lainotsu eta motel, eta tarteka zirimiri moduko euri lardatsa. Oro har, haizea ahul samar ibiliko da, baina iluntze aldera bizkortuko da apur bat. Laino maskalekin giro hezea eta grazia gutxikoa.

2. Zerua oso hodeitsu egongo da. Prezipitazio arinak botako ditu, zenbait lekutan ertainak, sarriago lehen eta azken orduetan. Ipar-ekialdeko haize ahul-bizia ibiliko da, bolada gogorrekin kostaldean eta mendi inguruetan. Tenperatura egonkor mantenduko da.

Bi iragarpenok azaroaren 15ari dagozkio. Funtsean eduki bera adierazteko forma desberdin samarrak erabiltzen dituzte; bata "herritarragoa", bestea, "zientifikoagoa". Hala ere, lehenengoa, goxoagoa, hurbilagoa, hunkigarriagoa, ezta? Nik ez dut dudarik egiten eta honexen alde egingo dut neure tesian: herri-lexikoa zientzia-terminologiaren iturri ezin oparo eta egokiagoa izan daiteke. Izan ere, herriak bere txikian (ala, handian?) zehatz-mehatz adierazten du zer esan nahi duen. Eta ikertzeko beste kontu bat: sarritan zientziak gauzak sinplifikatzera jotzen du eta herriaren ikuspegia konplexuagoa izaten da, xehetasunez beterikoa.

Iruzkinak

Hau esan du Anonimoa erabiltzaileak…
Ados zurekin, Kepa.

Zerbait gehitzekotan, hona ttantta bat: batzuek hizkuntza maite dute, hizketarekin (eta idazketarekin) plazerra sentitu nahi dtute, gauzak gozo esaten dituzte... eta beste batzuek ez. Eguraldiaren igerleek (aro-igerleek) aroaren argazkiak eskaintzen dizkigute. Baina argazkilari batetik bestera dagoen aldea...

Tomax.
19:42
Hau esan du Kepa Diegez erabiltzaileak…
Bai, eta gainera, hizkuntza ondo eta egoki ez jakitearren asmatzera egiten dute, berez, lehendik asmaturik dagoena. Nik horixe esan nahi dut. Ez badago, asmatu egin dezagun, baina baldin badago berari eutsi eta zabal dezagun. Gure terminologia zientifikoa gatz eta piperrez betetakoa ere izan daiteke.
20:05
Hau esan du Anonimoa erabiltzaileak…
Ados, Kepa. Ez dugu hizkuntzaren talibanak izan behar (ederki finkatu du irudi hori Zaldi Eroak) baina ezjakinak ere ez. Joan den igande gaueko eguraldi emankizunean entzun nion esatariari hurrengo egunean "euria goitik-behera" egin behar omen zuela. Etxean haserretu ez, algara egin genuen.

Tomax.
10:13
Hau esan du Kepa Diegez erabiltzaileak…
Bada... geuk ere esaten dugu. Iji, aja!!
21:43
Hau esan du Anonimoa erabiltzaileak…
Glups! Nihaur bihurtu ote naiz talibantxu? Hilko naute etxean.

Tomax.
11:05
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »