Aurreko haizea

“http://www.theartark.com/2-d-works/artistspics/billbragg/bb-south-wind-20x24-1980.jpg” irudia ezin da bistaratu, akatsak dituelako.
Hego haizea eta haren ingurukoak besterik ez dugu hizpide egunokin. Egia esan, urri osoan erasan digu gupidarik gabe. Batzuk pozarren daude uda luzatu delakoan -uda + azkena?- eta beste batzuk ostera, gogait eraginda gauzka haize mota horrek. Usu eta sarri komentatu izan dugu geure erakuslehioan zer-nolako izendapenak dauzkan Euskal Herriko zoko-mokoetan. Gaurkoan, agian, primitiboena, aipatu nahi dugu: aurreko haizea (beste bazter batzuetan, barruko, azpiko... haizea), hau da, orografian oinarria daukan izendapena, euskaldunaren adimenak lehenengo eta behin suma zezakeena. Getxo aldeko UK aldizkarian honako aipamen hau duzuen gozagarri:

aurrekoaxe : B-Getxo. Kontrako aldean, hegoaldetik datorkigun haize siku hori axeierra deitzen da, igartu edo lehortu egiten duelako. Aurrekoaxe edo irrikoaxe ere esaten diote. Andoni Llosa. UK, 2002-12, 35 zenb.

Iruzkinak

Hau esan du Erramun Gerrikagoitia erabiltzaileak…
Baita esaten da herriko haxea edo herrikoaxea eta erreka haxea edo errekaxea zein datekeen variante bat hon irrikoaxea; hauek relationaturik kin elementu physikoak herria eta errekea.

Esan ohi da ere haxerrea edo haize errea, baina hemen ez dago relationean kin elementu bat baizik adjektivo bat' errea nola izaten ohi da hau haize klasea.
17:35
Hau esan du Kepa Diegez erabiltzaileak…
Bai, hor egon liteke hitz-nahasmendutxoren bat. Herriak oso erraz egiten ditu analogiak. Herriko haizeari buruz orain gutxi idatzi dut berton beste artikuluxka bat.
Milesker, Erramun.
12:42
Hau esan du Anonimoa erabiltzaileak…
Uribe Kostan "herriko axé" esaten zaio hego haizeari gehienbat. horrek ez du esan nahi UKn irakurri dituzun beste bi aldaerak esaten ez direnik, baina zabalduena "herriko" axe da Urduliztik Lemoizera bederen.
10:47
Hau esan du Kepa Diegez erabiltzaileak…
Eskerrik asko, Jabi!
12:50
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Urtaroak: ikuspegi etnolinguistikoa

Irudia
  Urtaroen izendapenek beti eman izan dute zeresan handia hizkuntzalari eta bestelako ikertzaileen artean. Euskal kulturan hain kontu errotua izanda, jende askok plazaratu izan du bere iritzia era batera edo bestera. Gai honi behar bezalako egituraketa ematekotan, egileak metodologia etnolinguistikoaz baliatzea proposatzen du, hau da, lexikoaren eta kulturaren arteko ezinbesteko zubi-adarra azaleratzea. Horretarako, nozio orokorretan oinarrituriko sailkapena du ikerlan honek gidari. Kepa Diéguez Barahona. (2024). Urtaroak: ikuspegi etnolinguistikoa.  Euskera Ikerketa Aldizkaria ,  69 (2), 93–122.  https://doi.org/10.59866/eia.v69i2.287 https://euskera-ikerketa.euskaltzaindia.eus/index.php/euskera/article/view/287/328
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »