Hotza ezin uxatu eta elur lapatxa

Horixe du izenburu gaurko GARA egunkarian Joxe Landak egiten duen eguraldi-iragarpena. "Elur-lapatx" hitz-elkarketa interesgarria iruditzen zaigu oso. Badirudi, berez "elur-maluta txikia" adierazteko erabiltzen dela. Nik honako hauek aurkitu ditut:

edur-lapatxa iz.: G-Oñati. Candido Izagirre. El vocabulario vasco de Aránzazu-Oñate. <>
elur-lapats iz.: 1.Koska handirik ez, agian elur lapatsa botako duelako. Joxe Landa. GARA, 2003-12-22.2. Gipuzkera. Elur-lapatsa zan, gaur goizean.Justo M. Mokoroa. Repertorio de locuciones del habla popular vasca.
elur-lapatx iz.: G-Ormaiztegi. Azkue. Hiztegia.

Bestalde, badirudi euskaldunaren adimenaren begiak lotzen dituela mindu den esnean gertatzen diren pikorretako bakoitza elur-maluta mota horrekin. Elhuyar Hiztegiak, ostera, elur-lapatx, "capa fina de nieve" dakar.