EUSKADI(n) ERAIKITZEN eta METEOROLOGIA

EUSKADI(n) ERAIKITZEN eta METEOROLOGIA edo tximinia on baten onurak

Es posible que tu navegador no permita visualizar esta imagen.

IPAR-HAIZE PETOA


Deustuko Kanalaren inguruetan bizi garenok, ohetik jaiki beharrik gabe ere daukagu askotan haizearen norabidea eta indarraren berri. Egunak oraindik argitu ez eta pertsianak dardarka badabiltza; hego-haize indartsua. Usaina baino nabaritzen ez bada ostera, hego-haize makala.

Egun argitan, argazkian azaltzen den tximinia horri ezker, ez daukagu leihora atera beharrik eguraldiaren gorabeheretaz azkar batean jabetzeko; Haizearen momentuko ezaugarriek, eguraldi aldaketaren baten gertutasuna eta joera, begirada batetan atzeman daitezke sukaldeko epeletik atera gabe.

Zenbat burutapen ez ote dit ekarri tximini horrek. Inguru horretan atrakatu zen Arestiren aleman barkua, ehun kiloko zementu zakuekin. Beti paratuko naiz gizonaren alde!

Terralak gogoz jotzen badu, marinelek ez dute arraunean egin beharko. Iparretik badabil; malo. Kea tentetu egin da; aldaketa dator; Ipar-mendebaletik egora beharbada.

Tximini on bat inguruan izatearen abantailak.

Halere, ez dira hauek tximini honek eguratsarekiko dituen mesede bakarrak. Behar bada sinestezina egingo zaizue, baina orain hamar bat urte, Eusko Jaurlaritzaren diru-sari bat jaso baitzuen enpresak, tximini horretan energia aurrezteko sistema jarri zuela eta. Energia aurreztu, kutsadura gutxitu. Buletin Ofizialean irakurri nuelakoan nago. Horretaz gain, ziur nago noizbehinka datozkigun usaina eta hautsa, osasunerako ere mesedegarri zaizkigula.

EUSKADI(n)ERAIKITZEN operazioa eta Ingurumena Sailaren arteko lotura hauek nahiko zabalduak daudela iruditzen zait. Ez da zaila izan behar edozein aktibitate kutsagarriri edo ingurumenaren kaltegarriri alde onuragarririk ikustea, eta kanalean ditugu adibideak.

Baina horretaz beste egun batetan arituko gara. Gaur egun esan nahi dudana da, gutxirako daukagula tximinia onbera hori begi aurrean, laster ezkutatuko baitigute EUSKADI(n)ERAIKITZEN operazioaren eraginez, etxe berrien atzean.

ANTONIO IRIGOIEN

Iruzkinak

Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Urtaroak: ikuspegi etnolinguistikoa

Irudia
  Urtaroen izendapenek beti eman izan dute zeresan handia hizkuntzalari eta bestelako ikertzaileen artean. Euskal kulturan hain kontu errotua izanda, jende askok plazaratu izan du bere iritzia era batera edo bestera. Gai honi behar bezalako egituraketa ematekotan, egileak metodologia etnolinguistikoaz baliatzea proposatzen du, hau da, lexikoaren eta kulturaren arteko ezinbesteko zubi-adarra azaleratzea. Horretarako, nozio orokorretan oinarrituriko sailkapena du ikerlan honek gidari. Kepa Diéguez Barahona. (2024). Urtaroak: ikuspegi etnolinguistikoa.  Euskera Ikerketa Aldizkaria ,  69 (2), 93–122.  https://doi.org/10.59866/eia.v69i2.287 https://euskera-ikerketa.euskaltzaindia.eus/index.php/euskera/article/view/287/328
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »