EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko gunea.

2007/09/11

Eki jaikiko haizea nagusi


Abuztu amaierako euriteen ondotik ez du euri handirik egin Euskal Herrian, salbuespenak salbuespen. Azore uharteetako antizikloia Britainiar uharte aldean kokaturik, gehientsuenetan jo digun haizea ekialdetik etorri izan zaigu. Batzuetan, mugitu samarturik, ipar ekialdetikoa izan da. Egoera hau ez da oso arrunta izaten garai honetan, aitzitik, sarriagotan gertatzen da neguan edo udaberriaren hasieran. Ezaguna denez, horrelako haizea eguzkia gordetzen den aldetik etorrita, euskaldunok berari lotu izan diogu hainbat izendapenetan. Oraingoan Zuberoa aldera jo eta bertatik horrexetariko bat plazaratuko dugu: ekhi jeikiko aidea. Polita, oso; eguzkia jaiki eta etzan egiten da. Ürrustoi-Larrabile herrian erabiltzen omen da.

4 Comments:

  • At 16:57, Anonymous Anonimoa said…

    Aupa denoi eta isilpeko bisitariei...[zuek badakizue nortzuk zareten! ; ) ]!!!

    Zelan oporrak?

    Kepa, Zuberoako datu horren iturria jarriko, mesedez? Jakinminez naukazu.


    K.

     
  • At 18:03, Blogger Kepa Diegez said…

    Aupa, Kristina! Izendapena EHAAtik aterata dago. Bitxia, ezta?

     
  • At 18:54, Anonymous Anonimoa said…

    "EHAA"?

    "EHHA" ote?
    ["Euskal Herriko Hizkuntz Atlasa", berrikiago "Euskal Herriko Hizkeren Atlasa" edo "Euskal Herri-hizkeren Atlasa"]

    Eta bai, Kepa, herri hizkera, edozelan ere!


    K.

     
  • At 19:24, Blogger Kepa Diegez said…

    "lapsus".Bai, EHHA...

     

Argitaratu iruzkina

<< Home

 
Contador gratis contadorplus.com -----------------------------------------------------------------