EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko gunea.

2007/05/30

Ahariak maiatzean, «deuri, deuri» esaten nausiari.

http://www.20minutos.es/data/img/2005/02/04/17427.jpg

Maiatzaren hondarrean garela-eta, atsotitzen bati hautsa kendu nahian, hilari dagokion lehenengoari egingo diot jaramon: Ahariak maiatzean, "deuri, deuri" esaten nausiari. Irakurri eta ez dut ondo ulertu kontua, izan ere, "deuri" berba ez zait ezagun egin. Ikertu eta ohartu naiz "deuri" dirua dela. Orduan, bai zentzuaz jabetzen hasi naiz. Hala ere, zer dela-eta, esaten dio ahariak dirua nagusiari? Ahari dela-eta, hiru aukera ditugu hiztegiaren arabera: 1. Ardiaren arra adar biribilkatuak dituena. 2. Euskal mitologiako jeinua; Arabako Okiako leizean bizi dena; 3. Euskal mitologian Mariren menpeko jeinua; lo egiteko haren gainean ipintzen du burua eta haria astalkatzeko haren adarrez baliatzen da. "Hauteskundeosteko" garai honetan, ezin aproposagoa iruditzen zait delako atsotitza; alderdi gehienak nagusi bila dabiltza dirutan. Nork bilduko dizkio adarrak nori? Inor baliatuko da inoren adarrez bere haria astalkatzeko? Galdera horien guztien erantzuna Okiako leizeko Aharik omen dauka.
 
Contador gratis contadorplus.com -----------------------------------------------------------------