Azaroko oskarbiarekin...

“http://www.rprcc.qld.edu.au/images/side-images/bar-girl.jpg” irudia ezin da bistaratu, akatsak dituelako.

...eta tabernako neska musu gorriarekin ez fidatu atsotitza ikasi nuenetik hona beti erabili izan dut buruan zer esan nahi ote duen. Argi dago azaroko zeru oskarbia eta neska musu gorria alderatzen direla. Baina, zergatik ez dugu, ez bataz, ez besteaz fidatu behar? Atzoz geroztik oskarbitasuna nagusitu zaigu Euskal Herriko zoko-moko gehientsuenetan eta egia da, ezin gara fidatu: batetik, Eñautek ez du orain dela bizpahiru aste bezain gogor jotzen eta bestetik, jakin dakigu gauez aire beroak egurats aldera ospa egin eta aire hotza ibar-haranetan metaturik gelditzen dena berau hura baino astunagoa da eta. Honarte dena zentzuzkoa da, baina zergatik arraio ezin ote gara fidatu tabernako neska musu gorriarekin? Zuek, neskok, zer diozue? Ez ote da dirudien bezain zintzoa? Zer adierazten ote du musugorritasunak? Zer ote zerabilen buruan euskaldun jendakiak atsotitz hau asmatu zuenean?

Iruzkinak

Hau esan du Anonimoa erabiltzaileak…
Eureka, Kepa! Ia bi aste egon naz 'interneterako' antenatxoa ondoezik nuela, besteren ordenadoretik lanean bestelako lanak egiterakoan. Hemen naz, denetan sartzeko gogoz.

'Neskarena' ezin argituko dizut, ez naiz esperimentatuena nondikako esanahia ote duen jakiteko. Baina, egia da, asko ageri ohi da: neguko eguzki xuriarekin, tximeleta halako alditan ikustearekin... beste erpinean 'neska apaina', edo, bestela, harako 'otsoa ardi artean ikustea hobe'...

Txirritaren ateraldietan eta, bada horrelako konturik, nola, dirudianez, neska kontularia lagun, engainatu edo ez engainatu, gehixeago edaten zutela, eta gastua igo egiten zela ohartzerako...
pellozabala
19:36
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Urtaroak: ikuspegi etnolinguistikoa

Irudia
  Urtaroen izendapenek beti eman izan dute zeresan handia hizkuntzalari eta bestelako ikertzaileen artean. Euskal kulturan hain kontu errotua izanda, jende askok plazaratu izan du bere iritzia era batera edo bestera. Gai honi behar bezalako egituraketa ematekotan, egileak metodologia etnolinguistikoaz baliatzea proposatzen du, hau da, lexikoaren eta kulturaren arteko ezinbesteko zubi-adarra azaleratzea. Horretarako, nozio orokorretan oinarrituriko sailkapena du ikerlan honek gidari. Kepa Diéguez Barahona. (2024). Urtaroak: ikuspegi etnolinguistikoa.  Euskera Ikerketa Aldizkaria ,  69 (2), 93–122.  https://doi.org/10.59866/eia.v69i2.287 https://euskera-ikerketa.euskaltzaindia.eus/index.php/euskera/article/view/287/328
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »