A ze nolako haizetea astelehen gauekoa Bizkaiko kostaldean! (eta Kantabrian, zitalago). Ustekabean gaueko 11etan gure aldean tenperatura 28ºC-raino heldu ez zen, bada!! Zurtz eginda lotu ginen; minutu gutxitan 20 ºC-tik 28ºC-ra. Hark ezer onik ezin ekarri eta handik laster haize bolada ikaragarri samarrek astindu zituzten bazter guztiak. Beraren gaineko ohartarazpenik entzun ote zenuten? Esan gabe doa, "Gordon" baino "potologoa" izan zen lehengo egunekoa, izan ere! Herri jakinduriak luzaroan metaturiko eskarmentua islatzen da hainbat atsotitzetan. Urriaren hasieran aroak nolabait beltzera egiten du sarritan, eskuarki Asisko Frantziskoko egunaren inguruan, urriak 4, hain zuzen ere. Aurten horrelakoxea izan da, halanda ze bete egin da herri behaketa. Euskaraz, atsotitz bakarra aurkitu dut egun horren inguruan: "San Prantzisko urriko, linoa hiru orriko". Aroaren gainean ezer ere ez. Gaztelaniaz, ordea, topatu dudan batek ederto baten deskribatzen du egunotakoa: "El cordonazo de San Francisco se hace notar tanto en tierra como en mar". RAEk honela dakar delako "cordonazo de San Francisco"-ri buruz:
Entre marineros, temporal o borrasca que suelen experimentarse hacia el equinoccio de otoño. 
2 Comments:
At 11:17,
Erramun Gerrikagoitia said…
Kakophonia (kako = txar, phonia = entzutea) sentitzen dut irakurtzean eta mentalki entzutean Asisko Frantziskoko erauntsia.
Personaia hori -San Frantzisko- da santu bat zeren holan lexikalizatu edo kristalizatu bait da izanik ere edozein bat atheoa edo beste religione bateko. Da San Frantzisko...
Errefrauan edo refrauan mintzo da buruz:
"San Frantzisko urriko, linoa hiru orriko."
Nahi delarik espezifikatu gehiago buruz San Frantzisko hobe litzateke, nire ustez, nola refrauan mintzatzea buruz San Frantzisko Asisko (edo nola da izena italianoz, Asissiko edo hobeto Asissi-ko; hemen ikusi daroago handicapa hon deklinatione edo postpositione adjuntuak). Klaruago geratzen da, ez izanik ere arras orthodoxoa, San Fraantzisko hon Asissi.
Baina, lehen esan dudana ze dago edo dagoke lar kakophonia -kako+phonia- an Asisiko Frantziskoko erauntsia.
Da niretzat erauntsi kakophonikoa.
Patras, Grezia.
Zapatua 7 urria 2006.
Laster nagoke berriz Nafarroan, azkenekotz.
At 18:55,
Kepa Diegez said…
Bai, arrazoi duzu, Erramun. Idatzi bezain azkar konturatu nintzen, baina bere horretan uztea erabaki nuen. Ondo izan!
Argitaratu iruzkina
<< Home