San Juan gaua ostirala harrapatzen duen urtea urte gaztigatua

“http://www.gaztesarea.net/info/irudiak/akel_02.jpg” irudia ezin da bistaratu, akatsak dituelako.
Egun magikoa gaurkoa Euskal Herri osoan. Ez da egongo herririk San Juan gaua ospatuko ez duenik, ez horixe! Iaz egun berean euririk egingo, ez egingo geunden. Aurten, berdin antzera. Egunez aro gozoa, baina arrastirian Mari parranda bota nahian ibiliko omen da. Berak ere badauka lantzean behin intzirika eta jauzika jarduteko eskubiderik, bai horixe! Aurten, gainera, ostiralean da San Juan, hortaz, ekaitzaren arriskupean gara, ze, ondo hobeto baino dakikezuenez, ostiraletan izaten dira ekaitz gehien, Mari bizilekuz aldatu eta Sugaarrekin "osteratxo" bat egiten ibiltzen omen da eta. Euskal gizakiaren iruditeriak ere jasotzen du atsotitz batean egun berean San Juan eta ostirala izatea, zorigaiztoko eguna, antza. Izenburuan duzue, hain zuzen ere: San Juan eguna ostirala harrapatzen duen urtea urte gaztigatua. Zertan gauzatzen ari da ala gauzatuko da aurten gaztigu hori? Zer uste duzue?

Iruzkinak

Hau esan du Anonimoa erabiltzaileak…
Apika, pakearen gaztigua geure Baskistan honetarako.
17:58
Hau esan du Anonimoa erabiltzaileak…
Kepa, honela diozu:

"ondo baino hobeto dakikezuenez, ostiraletan izaten dira ekaitz gehien".

Arau bitxia dirudi, ala? Ez da izango Jainkoaren kastigua ostiraletan bijilirik egiten ez dugulako?

Tomax.
08:32
Hau esan du Kepa Diegez erabiltzaileak…
Ez dakit bada, Patxi, zer gaztigu mota, beharbada arrazoi duzy. Dena dela, abenduaren 31n, balantzea.
Tomax: behin irakurri nuen asteburuetan euri gehiago egiten duela astegunetan baino. Arrazoia: kutsadura gutxiago omen dago fabrikak gelditzen direlako. Hala ere, uste dut gure kulturan errotuta dagoela ostirala egun beltz gisa.
10:45
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »