EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2006/02/16

Itsas haizea harro-harro

“http://www.galleryone.com/images/capser/capser%20-%20west%20wind%20blowing.jpg” irudia ezin da bistaratu, akatsak dituelako.

Lehengoan komentatzen genuen mendebaldetik etortzen zaigun haizeak Euskal Herriko bazter guztietan, han-hemenka, askotariko izenak bereganatu ohi dituela: batak, leku-izenei lotuak, besteak orografiari, beste zenbait nolakotasunari... Gaurkoan Euskal Herriko mendebaldea eta iparraldea uztartzen dituen izendapen baten berri eman nahi dugu, begibistakoa eta hagitz zentzuduna: itsas haizea. Izan ere, itsaso aldetik etortzen den haizea iparraldeko euskaldunentzat mendebala izaten da, baita hegoaldeko hiztun batzuentzat ere. Euskaltzaindia lagun, hona hemen itsasoarekin zerikusia duen berba sorta polit bat:

itsasaide: BN-Arruta
itsasaire : BN-Armendaritze / L-Bardoze
itsasaize : BN-Irisarri
itxas aide, itxasoko aize
: Z-Montori
itxasaize
: G-Aia, Ataun / L-Urketa
itxas haize
: Z-Sohüta
itxasoko haize, itxas haize
: Z-Domintxaine-Berroeta, Montori.
itxesaize
: N-Alkotz
itxesoaize
: N-Suarbe

Zuetariko inork ba ote daki Aia eta Ataungo itsas haizea eta iparraldekoak haize mota berak diren?
 
Contador gratis contadorplus.com -----------------------------------------------------------------