EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2006/02/13

Ilbetearekin, aldaketa

“http://weather.unisys.com/mrf/9panel/mrf_850_9panel_eur.gif” irudia ezin da bistaratu, akatsak dituelako.
http://weather.unisys.com/mrf/9panel/mrf_850_9panel_eur.html

Gaur, otsailak 13, neguko tenporen hirugarren aldiari ekingo diogu ilbetearekin batera. Maiz askotan izaten da aro-aldaketa ilbetearen inguruan eta horixe gertatuko da, hain zuzen ere, bihardanik. Izan ere, frantziparra bidaltzen zigun antizikloia desegin eta itsasoko egoera gailenduko bide da hurrengo egunetan. Tenporen arabera, neguaren bigarren aldia lehor eta hotz samarra izango zen eta zitekeena zen elurteren bat edo beste izatea. Horrelakoxea izan da, hotza eta lehorra. Hirugarrena, aldiz, epel eta euritsuagoa izango omen da eta hasierak horrelaxe ere jardungo digu aro ikertzaileen arabera. Tenporetan sinesten hasi beharko dugu? Behin Pello Zabalari entzun nion beraren idurikoz %70 bete ohi zirela eta hori oso ehuneko altua da, nire iritziz. Gai istilutsu bezain erakargarria da eta agian, beraren azpian dabilkigun funtsa zientifikoa bilatzeari ekin behar genioke. Sinetsi ala ez sinetsi, hortxe dago gakoa!
 
Contador gratis contadorplus.com -----------------------------------------------------------------