Eguraldia agindu bezalakoa

“http://ganzorrotz.webgune.net/images/argazkiak/artzi/vista7.2.jpg” irudia ezin da bistaratu, akatsak dituelako.

Domekaz geroztik aro ezin gozoagoan murgildu gara: ez bero, ez hotz. Hotz izaten gara eguzkitan eta bero izaten gara itzalpean, hau da, bero hotza egiten du. Hauxe dut nik atsegin, eguzkitan egon eta berorik ez. Hori dela-eta, horrelako egoera adierazteko esamolde bila jardun dut eta sarritan bezala Mokoroak eman dit erantzuna:

eguraldia aginduta egina bezalakoa adj.: Bizkaiera. Aginduta (esanda) egiña-langoa..

eguraldia agindu bezalakoa: Bizkaiera. Eguraldia agindu balebe-lakoa dauke.

Iruzkinak

Hau esan du Erramun Gerrikagoitia erabiltzaileak…
Explikatzen duzu parenthesis artean zer den bizkaieraz agindu (esan).

Ez dut esango nik esan ez denik hurreratzen tu agindu berbak esan nahi duenera, baina bai ba diot ezen agindu ez dela esan. Agindu da promesa egin edo prometidu. Exemplua: agindu deust bazkaria pagauko deustala.

Uste dut ezen parenthesis hortan ba dagoela purismoaren aztarrenik.
21:01
Hau esan du Kepa Diegez erabiltzaileak…
Jainkoak edo dena delakoak nazan libra!
Nik neuk ez dut "esan" sartu. Mokoroa zenak egin zukeen!
21:14
Hau esan du Erramun Gerrikagoitia erabiltzaileak…
Trankil hartzekoa da, behintzat trankilago, ze ez dago eta ez da egongo inor guztia osoro totalean ondo biribil egingo duenik, ez nik neuk eta ezta zuk zeuk, ez hango urliak. Ez nago ziur dagoenik bekatu venialik baina mortalik ez behintzat hemen arlo hontan.

Mokoroak esan edo bestek berdin da, ezen agindu hitzak esan nahi duela mendebal euskaran prometidu edo prometatu. Orain argiago ikusten dut ezen dela purismoaren mostra bat gehiago ikusirik dagoela an Mokoroaren textu bat, ze Mokoroa zen bere denborako eta epokhako gizona eta frailea, noiz XX. mende erditsuan zegoen purismo lexikala indarrean nola ere dagoen orain, baina orduan beste kharakteristika batzuekin.

Esan dezagun (edo, ditzagun) gure opinioak trankil eta ardurarik gabe beharko gaituela gero beharbada barkatu Jainko Jaunak baldin egin badugu okerrik. Trankil.
11:22
Hau esan du Kepa Diegez erabiltzaileak…
Ondo da. Jarrai dezagun libreki iritziak ematen.
13:15
Argitaratu iruzkina

Blog honetako argitalpen ezagunak

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo
Gehiago irakurri »

Tximu eginda

Irudia
Atzo arrastirian etxetik irten, aterkirik eraman ez eta mela-mela eginda amaitu nuen. Gaurko BERRIA egunkarian Anjel Lertxundik esamolde zoragarri baten berri ematen digu. Betorkizue! Hitz beste Anjel Lertxundi Tximu eginda Goizeroko ibilalditik etxerantz zetorrela, euriak hasi zuen. Etenik gabe eta oparo. Pausoa bizkortu zuen. Hala ere, tximu eginda iritsi zen etxera. Tximu eginda? Nondik ote dator espresioa? Zer arraio tximu esan nahi du? Espresio bitxitik kokatuta egin zuen dutxatu, gosaldu eta lanerako prestatu artekoa, ez baitzuen loturarik ikusten tximino baten eta blai-blai eginda egotearen artean. Sarean kontsultatu zituen hiztegiek-eta ez zioten ezer argitu, harik eta ohartu zen arte tximu hitzak esan nahi zuela troxa edo haurren pixa-oihala ere. Eta pixak ez al du ba oihala zopa-zopa eginda uzten, goizeko euri zaparradak bera utzi zuen bezala? Ez zekien bere burutazioa zuzena zen, eta axola ere, gutxi. Troxa jartzen zioten garaiko sanotasun beraz irten zen kalera. Euriak
Gehiago irakurri »