Euria ibaika
Gaurko Joxe Landa meteorologoak euri-lardatsa iragartzen bazuen ere, eguraldia trakestu eta egun guztian etengabe aritu du adarka, barra-barra, galanki, gogotik eta... zenbait tokitan esaten denez, ibaika.
Haizea ez da indartsua, gogorra eta zakarra, bai
Hemendik hartua Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira. Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da: Haize bortitza Haize petrala Haize sastarra Haize traketsa Haize zakarra Haize zitala Haize zorrotza ... Edo-ta Azkarki dabil Bizi antzean joko du Gogor joko du Indartsu joko du Baina, egundo ere ez *Haizea egiten du; beti ibili eta jo .
Iruzkinak
Horrela entzun nion gure aita zenari zaparrada gogor bat ikusita. Gipuzkoako beterrikoa izanik, ez dut uste berak gaztelerazko "llueve a cántaros" itzuliko zuenik, baina egia da euskarazkoa horren igualtsua dela. Edo "euria" kenduta, begiratu eta "suilez ari dik".
Tomax.
"Euria suilez ari du" esaten dela eta, Gipuzkoako Goierriko gizon bati entzuna diot: "Euria erraraka ari du". Errara hori batek pentsatuko luke "llueve a herradas" horren familiakoa dela. "Herrada" Hiztegia 3000k "edarra" itzultzen du.
Tomax.