EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2004/11/02

Euria bota ahalean

Atzo Euskal Herriko bazter askotan egun guztian euria bota ahalean jarduen zuen. Hori adierazteko hainbat lokuzio erabiltzen bide dira. Hona hemen batzuk gauza bera adierazteko:

Egin ahalean ari.
Euri etxa ahala.
Euria lodi egin.
Euria zarra-zarra.
Euria gogotik ari.
Adarka euria izan.
Euria barra-barra.
Erauntsiaka ari.
Euria garratz
.....
Zuek, lagunok, nola esaten duzue?

4 Comments:

  • At 19:03, Anonymous Anonimoa said…

    Gatxa da esaten baina iruditzen jata beharbada ez dela gauza bera "euria zarra-zarra" egitea eta "euria gogor ari". Ez dakit, etno-meteorologiaren aldetik, zelan aztertu beharko litzatekeeen, baina kontu handiz ibiliko nintzateke bi formak elkarren ondoan ipintzeko.

     
  • At 20:32, Blogger Kepa Diegez said…

    "Euria gogor ari" ez dago zerrendan, bai ostera "euria gogotik". Zerrenda askoz luzeagoa da eta horiek adibide batzuk baino ez dira. Ados nago zurekin, batzuetan zaku berean sartzen dira eta ez dira gauza bera. Horretarako sortu dugu weblog hau. Zertan ikusten duzu desberdintasuna? Iraupenean? Euria egiteko moduan? Kantitatean?...?

     
  • At 12:00, Anonymous Anonimoa said…

    euria barra-barra ari da, holaxe esaten degu donostialdian

     
  • At 00:02, Anonymous Anonimoa said…

    euria atergabe
    euria goian behean

     

Argitaratu iruzkina

<< Home

 
Contador gratis contadorplus.com -----------------------------------------------------------------