EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2004/11/03

EtnoMet Berria egunkarian

Gaur Anjel Lertxundik blog xume honen aipamena egiten du bere ohiko zutabean "hitz beste". Pozgarria da, benetan. Amaieran honako hau dio: "Une batez Zakilixut irudikatu dut, komikietako ontziak tutu beltzean gora bezala traganarruak zurrupatuta, antropologiak eta etnografiak eta hizkuntzak eta sexologiak bat egiten duten gune iradokizunez bete horretarako bidean, gosex amorratzen..." Sexologia eta Zakilixut direla-eta, gaur metereologoek diotenez, "hego ukituko haizea" dabil. Nik dakidala, Bizkai aldean "andraize" eta "enbraize" arruntak dira hego haizea izendatzeko. Zergatik ote?

4 Comments:

  • At 15:13, Blogger inaki ugarteburu gastaƱares said…

    Zuzenketa txiki bat.

    Anjelena ongi irakurrita, berehala konturatuko zara Zakilixut ez dabilela "gosez amorratzen", baizik "gosex amorratzen". Beste asko bezala jakina: gosex amorratzen, gosex akabatzen, gosex itotzen... (ai ama!)

     
  • At 15:17, Blogger Kepa Diegez said…

    Egia da, hau hankasartzea! Hitz-jolas polita, alajaina!

     
  • At 11:53, Anonymous Anonimoa said…

    "Hegoaixie, zoroaixie" ere esaten da. Agian hortik etorriko da zerbait...

     
  • At 18:22, Blogger Kepa Diegez said…

    Egia da, agian "andraizea"-ri "giza zoroaizea" esan behar genioke!

     

Argitaratu iruzkina

<< Home

 
Contador gratis contadorplus.com -----------------------------------------------------------------