EtnoMet eta Aroaren berbaroak

  Urtea hasten denean, isiltasun zuri batek hartzen du maiz gure paisaia, eta isiltasun horretan, etorkizunari buruzko galderak ernetzen zaizkigu. Zer ekarriko du ziklo berriak? Bide onetik ote goaz? Gure arbasoek, naturaren hizkuntza ederki zekitenek, ez zuten kristalezko bolarik behar erantzunak bilatzeko; aski zitzaien urtarrileko zeruari, lurrari eta haizeari erreparatzea. Urteko lehen hilabetea ez zen soilik denboraren igarotzea, urte osoaren iragarpen bat baizik, biziraupenerako ezinbesteko gida. Murgil gaitezen, bada, haien jakiturian, esaera zaharretan gordetako seinaleetan, eta deskubri dezagun zer esaten digun urtarrilak etorriko denaz. 1. Hotza, neguaren bihotza eta ikazkinaren poza Esaera zahar gehienek bat egiten dute ideia nagusi batekin: urtarrila hotza izatea seinale ona da, negua bere bidetik doanaren adierazle garbia. Hilabete hotz batek negu "normal" eta osasuntsu bat iragartzen zuen, naturaren zikloak errespetatzen zituena. Horixe da, hain zuzen ere, ...

  https://doi.org/10.35462/flv140.1 Aroaz mintzatzea, eguneroko jarduera, ez da hutsala: kultur ekintza aparta da, hiztunak bere baitan dauzkan hizkuntza- eta kultura-tresna guztiak abian jartzen baititu, zenbaitetan oharkabean, baina beste zenbaitetan ohartuki. Hori azaltzeko, lehendabizi, kulturaren kontzeptuaren nondik norakoaz jabetzeaz gain, hizkuntzaren eta kulturaren uztardura zertan den adierazten da, etnolinguistikaren ildoa egokiena dela ikertzeko agertuz. Jarraian, azaltzen da eguraldia hizpide izanda hiztunen adimen-begiak nolako nozioak sortu dituen. Sailkapen etnolinguistikoan ematen da jasotako ter-mino guztien berri, alderdi kulturala eta kognitiboa kontuan harturik. Azkenik, zenbait ondorio plazaratzen dira. Gako hitzak: eguraldia; lexikoa; etnolinguistika; kultura; kognizioa.