Bero zantar-zantarra!

Egunokaz sargori amaigabearen erasanaldia jasaten ari garela, adiskide batek galbidetik garamatzan beroari abizen ezin ederragoa ipini dio: "zantarra". Beste testuinguru batzuetan erabiltzen badut ere,  aroari dagokonez, ez neukan entzunda; beraz, zabaltzea erabaki dut zuen garun eta belarrien ahogozamenerako. "Zantar" izenondoa sarri erabiltzen da Bizkai aldean. Labayru Hiztegiak zehatz ematen digu beraren berri:

zantar

1adj.

inmundo -da, cochino -na.

2adj.

defectuoso -sa, no muy agradable, de mal gusto o sabor; feo -a.

3adj.

indecente, indecoroso -sa, obsceno -na.

Hiru adierak egoki askoak, ezta?