EtnoMet (Aroaren berbaroak)

2004ko azaroaren 1ean sortua. Eguraldiaren gainean mintzatzeko gunea: zer-nolako ikuspegia daukan herriak eguraldiarekiko, zein hitz erabiltzen den ahozko euskaran fenomeno atmosferiko jakinak izendatzeko. Sasoi edo egun batzuetan dagoen eguraldiaren aitzakian, iruzkinak egiteko herri-gunea.

2008/07/02

Udak dakarrena, udak daroa...


Bete-betean sartuak gara udaren lehenengo aldian eta eguzkiaren gailentasunak ekarritako argitasuna ezari-ezarian joango zaigu itzaliz. Zenbaiten aburuzko ekain bihurriak ez digu arrastiriaren gardentasunaz gozatzen utzi; goibelak egun luzeak laburtu ditu. Udastapen honetan, badaike denentzat baska*. Norainoko bazka? Guztiontzat adinarakoa? Ez da erraz asmatzen, den negu den uda beti da arropa lagun ona, ezta? Teklak jotzen ari naizen une honetantxe Deustuko Kanala euri-langarrak lausotzen du. Ez dira mendiaren zeruko lerroak antzematen, lainoek bereganatu eta irentsi dute mendihanditasuna. Ostendurik daude, ikustezinak. Hala ere, lantegiaren tximinia erraldoiak bere hartan jarraitzen du, zut, harro, kea isurtzen lanbroarekin bat egin dezan. Bitxia da, baina honetariko egunetan ohi baino ke gehiago botatzen du. Zergatik ote?


*
Gachiteguy. Laborantxa, 180 or.
 
Contador gratis contadorplus.com -----------------------------------------------------------------